قيوسنه وارديغمزده اوزريمزده سلاح بولنمامق اوزره ارايوب حبسخانه‌يه ادخال ايتديلركه حبسخانه‌نك ايكى طرفنده كروه كروه خلقى تخته‌لره باغليوب چارميخه چكرلر و كمنى الى و اياغى بندده ايكن صاچلرندن اصمشلر و بو عذابلره نصكره يوزى اوزرينه تحتيه ياتروب و ايقلرينى كوكسلرى اوزرينه چكوب بعده يوزارشنون مقدارى بر زنجير ايله دخى باغلرلر صانور سنكه سينه لرينك كمكلرى شكست اولدى و اول بيچاره لرك فرياد و فغانى بر مرتبه ده در كه تعبير اولنماز و بعضيلرينى بند و زنجيردن ماعدا صندوقلره وضع ايتمشلر و كفى بالله شهيدا بوامورده مبالغه يوقدر بيان واقعدر صندوقلره حبس اولنانلريدر و مادرلرينى قتل ايدنلردر و اول صندوقلر اوج كوشه‌لى و غايت پست و تنك اولوب يوكسكلكى بزرراع مقداريدر و صندوقلرك برينى اجديلر ايچندن بند و زنجير ايله بر شخص ظاهر اولديكه بند و زنجير اولديغى يير ييقلوب و اول صندوغك مقدارى ملاحظه اولنسه كويا اول شخصك جميع اعضا سنك عظمى لحم اولمشدر كه اول صندوغه صغمشدر بونك كبى مهيب صورت مشاهده سنده جانمز بدنمزدن وداع ايتمك مرتبه سنه واردى بو درمانده لر يدخى ذكر اولديغى اوزره بند و حبس ايتديلر و بش كوندنصكره خاقاندن امر واراده اولديكه بند و زنجيريمز رفع اولنوب زندانده خالى قويالر زيرا انلر بيابانى صحراييلر در بونك كبى عقوبتلرى بلمزلر و طاقت كتورمزلر ديمش فصل و پنجره مثال زندانلردن عورتلر حبس اولنديغى يره باقيلور بر دلك اولمغله اندن دربانلرك بريسنه سؤال ايتدك كه زندانده نمقداره محبوسه عورت واردر جواب ايتديكه حالا با دفتر اون ايكبپك عورتدر مصنف ايدر بودر مانده‌لر يكرمى التى كون محبوس قالدق و هركون كروه كروه خلقى چقاردلر ايدى و خانبالغ طرفندن چوق تفتيشه ادملر كتوروب سياستخانه لرده كناهلرينه كوره عقوبتلر ايدرلردى و بو بيكناهلر اول شدت عذابلر مشاهده سندن شويله انديشه ايدر ايدك بزلر دخى بو محبسده هلاك اولورز و خانبالغ شهرينك بيوكلبكى اول مرتبه ده در كه كنهكار اولديغمزده بر كونده ديوانخانه‌يه واردر و بركون تفتيشده قالوب فرداسى كون زندانه كيرمك ممكن اولدى و خلاصه قريب اولديغمزده بزى مفتيتلرينك حضورينه كتورديلر و منقيلرينك ديوانخانه سيدخى زندانده در بوقدر عالمى كشت و كذار ايلدك هركز اول مفتيلرك مكانى و باغ و باغجه و بوستانلرينك امثالنى كورمدك و لطافت و طراوتيدخى خاطردن فراموش اولمز و مومى اليهك حضورينه